Кытайдын түндүк-батыш тарабындагы Хекси шаарында “мыйзамсыз жай” деп жарыяланган мечитти түрттүрүүгө келген бийлик өкүлдөрү жана полиция менен жергиликтүү мусулмандар ортосунда уруш чыкты. 30-декабрь күнү ал мечитти кыйратууга келген 1000дей полициячыга жүздөгөн мусулмандар каршылык көргөзүп кагылыша кеткен. Гонконгдо жайгашкан маалымат борбору билдиргендей, кагылышуудан кеминде 50дөй адам жараат алып, дагы 100дөн ашуун киши камакка алынды. Айрым кабар агенттиктери эки киши өлгөнүн маалымдашты. Кытайдын бийликтери киши өлүмүн четке кагууда.
