Бириккен Улуттар Уюмунун Өнүгүү программасынын (ПРООН) “Табыгый кырсыктар тобоокелчилигин башкаруу” долбоорунун негизинде 2011-жылы Ысык-Көл облусундагы Ак-Суу районуна караштуу Боз-Учук айыл өкмөтүндөгү сегиз кыштакта беш көпүрө оңдолду. Бир топ жылдар бою айыл ичинде көпүрөлөр каралбай, жергиликтүү тургундардын өмүрүнө, жашоосуна коркунуч туулуп калган. Боз-Учукта ошондой эле жайытка кетчү Ичке-Жергез - Боз-Учук - Алтын-Булак жолунун 7,5 чакырымдай жери оңдолду. Бул жолду жайында жергиликтүү дыйкандар чөп тартуу үчүн да пайдаланышат. Боз-Учукта жер титирөө, сел, жер көчкү, кар көчкү сыяктуу коркунучтар жогору. Эки жыл мурун айылдык куткаруучулар тобу түзүлгөн.
Боз-Учук мектебинде куткаруучулардын штабы ачылып, керектүү шаймандарды ПРООН камсыздап берген.
Жалпысынан 2011-жылы ПРООНдун “Өзгөчө кырдаалдар тобоокелчилигин башкаруу” программасынын алкагында Кыргызстандын эң аялуу делген коомчулуктарында 20 чакан долбоор ишке ашты. Алар табыгый кырсыктардын алдын алууга жана анын кесепетин жоюуга багытталды. (RK)
Боз-Учук мектебинде куткаруучулардын штабы ачылып, керектүү шаймандарды ПРООН камсыздап берген.
Жалпысынан 2011-жылы ПРООНдун “Өзгөчө кырдаалдар тобоокелчилигин башкаруу” программасынын алкагында Кыргызстандын эң аялуу делген коомчулуктарында 20 чакан долбоор ишке ашты. Алар табыгый кырсыктардын алдын алууга жана анын кесепетин жоюуга багытталды. (RK)