Торкент - Тоолук унаа жолу толук ачылды

Жалал-Абаддын Токтогул районундагы Торкент - Тоолук унаа жолу толугу бойдон ачылды. Бул тууралуу "Азаттыкка" Өзгөчө кырдаалдар министрлигинин маалымат кызматынан кабарлашты.

3-январда Торкент - Тоолук унаа жолунун 46-чакырымында (Жаман-Бай участогу) жалпы көлөмү 1800м³ кар көчкү түшкөн. Тазалоо иштерине Транспорт жана байланыш министрлигине караштуу ЖЭМ-23төн 2 даана ДТ-75 бульдозер тартылып, кечки саат сегизде унаа жол бир тарапка, кечээ кечинде толугу менен тазаланды. (RK)