Бүгүн парламентте табигый кырсыктар, өзгөчө кырдаалдар жөнүндө элди SMS аркылуу маалымдоо маселеси көтөрүлдү. Тиешелүү мыйзам кабыл алуу сунушу айтылды. Өзгөчө кырдаалдар министрлигинин маалымат катчысы Абдишарип Бекиловдун "Азаттыкка" билдиришинче, уюлдук телефон аркылуу кыска маалыматтарды жөнөтүү мурда деле колго алынып келген. Бирок иш уюлдук байланыш компаниялары менен келишимдик негизде жүргүзүлчү. Аларды милдеттендирген мыйзамдык база жок. (RK)
