Ирандын президенти Кубада болду

Ирандын президенти Махмуд Ахмединежад Латын Америкасына саякатынын алкагында кечээ Кубада болду. Гаванадагы университетте сүйлөп жатып, иран президенти дүйнөдөгү саясий түзүлүш өзгөрүшү керектигин, капитализм өзүн жокко чыгарганын айтты.

Иран менен Кубанын азыркы бийликтери бир топ маселелер боюнча бири-бирин колдошот. Маселен, Иран Кубага мындан жарым кылым мурда АКШ киргизген соода эмбаргосун алып салуу зарыл деп белгилеп келатат. Куба болсо "Иран жайчылык максаттагы өзөктүк энергияга ээлик кыла алат" дейт.