Батыш маалымат агенттиктери кабарлашкандай, Ирактын Басра шаарында шийи зыяратчыларына болгон кол салуудан аз дегенде 50 киши мерт кетти. Полициянын кийимин кийген жанкечти бомбасын текшерүү пунктунда топтолуп турган элдин жанында жардырган. Шийилер ыйык Арбэйн деген майрамдын аякташын белгилеп жатышкан. Полициянын маалыматына ылайык, набыт болгондордун көбү тартип коргоочулар болчу. Дагы 40тай киши жарадар болду.
