Милициянын жол коопсуздугу боюнча башкармалыгынын кызматкерлери жолго чыгып текшерүү учурунда жеке унаасын пайдаланууга тыюу салынат. Бул тууралуу бүгүн өкмөт башчысы Өмүрбек Бабанов билдиргенин анын маалымат кызматы кабарлайт. Бабанов ички иштер министринин "жеке унаа менен текшерүүгө чыкса болот" деген буйругун жокко чыгарды. Мамлекеттик белгиси жок унааларды жол боюна токтотуп коюп айдоочуларды текшерген милиция кызматкерлерине нааразылыктар айдоочулар тарабынан айтылып келген. (RK)
