Кыргызстан Европадагы коопсуздук жана кызматташтык уюмунун (ЕККУ) коопсуздук боюнча форумунда төрагалык кыла баштады. Коргоо министрлигинен кабарлашкандай, апрелге чейин бир топ жооптуу иштер аткарылышы керек. Аталган уюмга мүчө өлкөлөрдүн ичинде жана жалпы аймакта коопсуздукту камсыз кылуу иш-чараларын талкуулоо, чечимдерди кабыл алууну уюштуруу зарыл. Форумдун алгачкы жыйыны бул күндөрү Вена шаарында өтүп жатат. Ага Кыргызстандын коргоо министринин биринчи орун басары Замир Сүйөркулов катышууда. Форумга төрагалык кезеги менен жүргүзүлөт. Кыргызстан ЕККУ менен 1998-жылдан бери кызматташып келатат. (RK)
