Линктер

шаршемби, 20-сентябрь, 2017 Бишкек убактысы 17:24

Мушарраф азырынча Пакистанга кайтпайт


Пакистандын муруңку президенти Первез Мушарраф мекенине кайтып баруу планынан азырынча баш тартышты мүмкүн. Мындай кеңешти ага тарапкерлери жана ал башкарган партиянын өкүлдөрү беришкен. Мушарраф 2008-жылкы парламенттик шайлоону союздаштары уткузуп, жаңы өкмөт ага импичмент жарыяламакчы болгондо, кызматынан кетүүгө жана чет өлкөдө баш калкалоого мажбур болгон. Ошондон бери экс-президент Дубай менен Лондондо ыктыярдуу бозгунда жашап келген. Өткөн жумада ал айдын этегинде мекенение кайтып барып, 2013-жылкы парламенттик шайлоого даярдык көрүү ниетин билдирген.

Ички иштер министри Рехман Малик Мушарраф кайтса, камакка алынаарын эскертти. Ага бир катар айыптар тагылууда. Атап айтсак, Мушарраф 2007-жылы киши колдуу болуп өлгөн экс-премьер Беназир Бхуттонун коопсуздугун жетишээрлик деңгээлде камсыздабагандыгы үчүн күнөөлөнүүдө.

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG