Өкмөт башчы Өмүрбек Бабанов сөгүш жарыяланган энергетика жана өнөр-жай министри Аскарбек Шадиевге бир катар тапшырма берди. Өкмөттүн басма сөз кызматынан кабарлашкандай, премьер-министр мындан ары калктын электрди керектөөсүн туруктуу түрдө божомолдоп туруу, чыңалуунун ар бир деңгээлинде авариялык учурларды болтурбоо үчүн энергетикалык жабдуулардын коопсуздугун баалоону талап кылды. Ошондой эле 10-февралга чейин Энергетика жана өнөр-жай министирлигинин коллегиясынын отурумун өткөрүп, “Түндүкэлектр” өңдүү энергетикалык компаниялардын жетекчилерин ээлеген кызматынан бошотууга чейин тиешелүү чараларды көрүүгө чакырды. (KKs)
