БУУнун Коопсуздук кеңеши европалыктар арабдар менен бирге тапшырган резолюциянын долбоорун талкуулап жатат. Кабарларга караганда, долбоордо Сирияда шайлоо өткөрүү үчүн президент Башар ал-Асад кызматтан кетип, убактылуу өкмөт түзүлүшүн караган Араб лигасынын планын колдоо чакырыгы камтылган. Орусиянын БУУдагы элчиси Виталий Чуркин бул пландын айрым шарттарына каршы чыгып, бирок Орусия аны талкуулоого кызыкдар экендигин билдирди. БУУнун эсебинде Сириядагы 10 айдан берки кагылыштарда 5 миңден ашык кишинин өмүрү кыйылды.
