Ушу тапта Нарын облусуна караштуу Кочкор районунун Кок-Жар айылында Жаңы-Арык суусу жээктеги айылдарды каптап кетпеши үчүн ыкчам аракеттер жасалууда. Өзгөчө кырдаалдар министрлигинин маалымат катчысы Абдишарип Бекиловдун билдиришинче, аба кескин муздап, -26 градуска жеткендиктен суу тоңуп, тоң пайда болгон. Суунун деңгээли көтөрүлүп, арыкчаларга батпай, турак-жайларга суу кирип кетүү коркунучун пайда кылган. (RK)
