"Азаттыктын" кабарчысы, "Ыңгайсыз суроолор" телеберүүсүнүн алып баруучусу Айзада Касмалиева "Параграф" коомдук-саясый гезитинин сурамжылоосу боюнча "Жылдын мыкты адамы" аталды. Сурамжылоо 2011-жыл боюнча Бишкекте жана Ошто жүргүзүлгөн. Диплом сыйлык ээсине бүгүн тапшырылды. Гезиттин менеджери Туратбек Сыдыков Касмалиеванын телеберүүсүн калыс жана так маалымат алууну каалаган миңдеген карапайым адамдар күтүп көрөөрүн баса белгилеп айтты. "Азаттыктын" жалпы жамааты Айзада Касмалиеваны куттуктайт. (RK)
