Россияда элдин пикирин сурап билүү мамлекеттик борбору тараткан маалыматка караганда, сурамжылоого тартылгандардын 65 проценти премьер-министр Владимр Путин 4-марттагы президенттик шайлоонун биринчи айлампасында жеңет деп ишенишет. Респонденттердин 19 проценти биринчи айлампада жеңүүчү аныкталбайт деген оюн билдиришкен. Суралгандар кимге добуш беришээри айтылган эмес. Айрым эксперттер сурамжылоо шайлоо жөнүндө коомдук пикирди так чагылдырбайт дешет. Декабрда болгон парламенттик шайлоо бурмаланды деген оппозиция жана катардагы россиялыктар бир нече ири акция өткөрүшкөн.
