Ушу тапта Бишкекте абак реформасын талкуулаган жыйын өтүп жатат. Кабарчыбыздын билдиргенине караганда, анда "Кыргызстандагы кылмыш-жаза аткаруу системасын өнүктүрүү боюнча улуттук стратегия" талкууга алынууда. Стратегия 2012-2016-жылдарга эсептелген. Жаза аткаруу мамлекеттик кызматынын, бейөкмөт уюмдардын өкүлдөрү, укук коргоочулар катышып жатышат. Реформаны ишке ашырууга Европа Биримдиги каржылык жардам бермей болууда. Стратегиянын максаты - абакта камалгандардын укугун сактоо. (MiT/RK)