Бул тууралуу Саламаттыкты сактоо министрлиги тараткан маалыматта айтылат. Министрдин орун басары Касымбек Мамбетовдун белгилешинче, өткөн жылы 2010-жылга караганда эмчек жана жыныс органдарынын рагынан каза тапкан аялдардын саны 1,3 эсеге өскөн. Мамбетовдун айтымында, буга көпчүлүк аялдардын өзүнүн ден соолугуна кайдыгер мамилеси жана алдын ала дарыгерге көрүнбөй жүрүшү себеп болууда. Эмчек рагына чалдыккандар Бишкек шаары менен Чүй облусунда көбүрөөк катталган. (КЕ)
