“Рейтер” маалымат агенттиги кабарлагандай, америкалык ырчынын денеси артылган учак Лос-Анжелестен Нью-Жерси штатындагы Ньюарк шаарына жөнөп кетти. Аны ушул шаарда жерге беришет. Поп-жылдыздын туугандары аны менен коштошуу зыйнатын жума күнү өткөрө турган болушту. Уитни Хьюстон ишембиден жекшембиге караган түнү көз жумган. Ал эмнеден өлгөнү тажиясынан кийин айтылат деп күтүлүүдө.
