Бишкек шаарындагы №1 тергөө абагынын мурдагы жетекчиси Элмир Аллояров 13-февралда кечинде кармалды. Бул тууралуу бүгүн "Азаттыкка" Жаза аткаруу кызматынан кабарлашты. Аллояров кызматынан ашыра пайдаланган, опузалоо менен акча өндүргөн жана башка кылмыштарга тиешеси бар деп шектелүүдө. Аны Ички иштер министрлигинин Уюшкан кылмыштуулук жана коррупцияга каршы күрөшүү башкармалыгы кармады. Кечээ аны тергөө жүргөнчө эки айга камоо чечими кабыл алынды. Бүгүн Аллояров Бишкек милициясынын убактылуу кармоочу жайынан №50 тергөө абагына которулат. (RK)
