Адам укугун коргоочу Хьюман Райтс Уоч уюму Эл аралык олимпиада комитетине кайрылып, Сауд Арабияны Араб өлкөлөрүнүн аялдарынын спорттук мелдештерине катыштырууга үндөдү. Ал үчүн Саудия кыз-келиндерге спорттук таймаштарга катышканга уруксат бериш керек. Хьюман Райтс Уочтун жаңы докладында Саудия келин-кыздарды олимпиада оюндарына катыштырбай, Эл аралык олимпиада комитетинин теңчилик жөнүндөгү хартиясын бузат деп көрсөтүлөт. Буга чейин саудиялык келин-кыздар бир да жолу олимпиадага катыштырылган эмес. Хьюман Райтс Уоч бир жыл ичинде Саудия бийликтери бардык мектептерде кыздар үчүн дене тарбия сабагы киргизилиши жана аялдарды спортко катышуусу үчүн акча бөлүүсүн каалайт.
