Кыргызстан жетекчилигинин өлкөдө демократияны өнүктүрүү аракеттеринде чоң ийгиликтер бар. Бул тууралуу Бишкекте Тышкы иштер министрлигинин өкүлдөрү менен өткөн жолугушууда АКШнын мамлекеттик катчысынын Түштүк жана Борбор Азия боюнча жардамчысынын орун басары Сьюзен Эллиотт билдирди. Ооганстанда жүрүп жаткан антиттеррордук операцияга колдоо көрсөтүлүп жатканы үчүн ыраазычылык айтты. Кыргызстандын тышкы саясый мекемесинин жетекчи орун басары Динара Кемелова менен АКШ өкүлү эки тараптуу кызматташтык пландарын талкуулады. (RK)
