21-феврал күнү эртең мененки саат он бирден кечки алтыга чейин Ысык-Көл облусунун Балыкчы шаарында катуу шамал катталганын “Азаттыкка” Өзгөчө кырдаалдар министрлигинин маалымат катчысы Абдишарип Бекилов билдирди. Анын айтымында, шамалдын ылдамдыгы секундасына 28 метрге жетип жатты. Алдын ала алынган маалымат боюнча, жабыркагандар жана кыйроолор жок. Адатта Кыргызстандын аймагында шамалдын ылдымдыгы секундасына 2-9 метрдин тегерегинде болот. (RK)
