Жалал-Абаддын Сузак районунда паспорт алыш үчүн толтурула турган түстүү баракча жетишсиз болууда. Анын айынан бир топ адамдар жыл башынан бери паспорт алыша электиги, паспорт төлөмдөрүн кабыл алуучу эсеп номеринин өзгөрүүсүнөн улам акча төлөп жатышканы айтылууда. Бөлүм башчысы Муктар Исмаилов паспорттун түстүү бланкы бүгүн келгенин жана ал муктаж болгондорго жетпей жаткандыгын ырастады. Анын айтымында 260 миң киши жашаган райондо жылына 60-65 миңдей адам паспорт алат жана миңдей кишиде советтик үлгүдөгү паспорт калды. (YA/RK)
