Кыргызстанда 27-февралдан тарта “Өнүккөн Кыргызстан – менин жоопкерчилигим” аттуу узак мөөнөттүү долбоор башталат. Аны Жаштар министрлиги эл аралык уюмдар менен биргелешип ишке ашырмакчы. Уюштуруучулардын бүгүн “Азаттыкка” билдиришинче, долбоорго республиканын бардык аймактарынан 18 жаштан 30 жашка чейинки жарандар катыша алат. Долбоордун алкагында жаштарга жарандардын активдүүлүгү жана мамлекетте жаштардын орду менен ролу тууралуу окуулар өтөт. Окуунун жүрүшүндө катышуучулар белгилүү саясатчы, ишкер, жарандык коом өкүлдөрү менен жолугушат. Мындан сырткары аймактарды өнүктүрүү боюнча сунуштар угулат. (КЕ)
