Пакистандын түндүк-батыш аймагындагы Ноушер шаарында саясий митинг учурунда жардыруу болуп, кеминде 5 киши мерт кетип, 20 адам жарадар болду. Митингге жергиликтүү саясий лидерлер жана Хайбер-Пахтунква провинциясынын премьер-министри да катышып жаткан болчу. Болжолдуу маалыматка караганда, жардыргыч зат мотоциклге жабыштырылган. Жардырууга пакистандык талиптер жоопкерчилик алышты. Байкоочулардын белгилешинче, бул Пакситандын түндүк-батышында 5 күндүн ичинде катталган үчүнчү жардыруу.
