Иранда былтыр ишке ашырылган өлүм жазаларынын саны, 2010-жылдагыга салыштырганда, эки эсеге өстү. Amnesty International (“Эл аралык мунапыс”) уюмунун жаңы баяндамасында айтылгандай, былтыр Иранда өлүм жазасына өкүм кылынган 600 жакын адам өлтүрүлдү. Андан бир жыл мурда дарга асылгандардын саны 253 адамды түзгөн эле. Докладдын авторлору эң оор жазага тартылып өлтүрүлгөндөрдүн санынын өсүшүн иран бийликтеринин “элди коркутуу стратегиясы” деп аташты.
