Өзгөчө кырдаалдар министрлигинин басма сөз кызматынан кабарлашкандай, кар калың жаап, мал тоютсуз калган алыскы райондорго жардам көрсөтүлүүдө. 25-февралдан тарта Чаткал районуна Чүйдөн 1880 түк чөп жөнөтүлдү. Бүгүн Чаткалга дагы 600, Чоң-Алайга 550 түктөй чөп жеткирилгени жатат. Буга чейин аталган райондордун тургундары тоют жетишсиздигинен мал жут болуу коркунучунда экенин “Азаттыкка” билдиришкен болчу. (KKs)