2012-жылдан тарта мамлекеттик сатып алуулар электрондук тартипте гана жүргүзүлөт. Бул тууралуу Жогорку Кеңештин жыйынында каржы министри Акылбек Жапаров билдирди. Анын айтымында, мындай чара мамлекеттик сатып алуу учурундагы коррупцияга бөгөт коюу максатында көрүлүүдө. Маалыматка ылайык, 2011-жылдагы мамлекеттик сатып алуунун деңгээли 15 миллиард сомдон ашкан. Анын кеминде 20 пайызы жеке адамдардын капчыгына кеткен. Дүйнөнүн бир катар өлкөлөрүндө, анын ичинде Сингапур жана Грузияда да электрондук соода ишке ашырылып келет. (KKs)
