Жапониянын эл аралык кызматташтык агенттигинин жетекчилиги бул жылы Кыргызстан менен техникалык кызматташуунун жаңы стратегиясы иштелип чыгып, гранттык долбоорлор көбөйөрүн билдирүүдө. Бул тууралуу агенттиктин вице-президенти Киёши Кодер бүгүн кыргыз президенти Алмазбек Атамбаев менен жолугушуусунда кабарлады. Өз кезегинде президент Алмазбек Атамбаев жапон инвесторлоруна Кыргызстанда ГЭС курууну сунуштап, энергиянын кошумча булактарын жасоо үчүн жарым кремний өткөргүчтөрүн жасоого мүмкүнчүлүк бар экенин белгиледи. Бул тууралуу президенттин басма сөз кызматы маалымдады. (KKs)
