Жекшемби күнү Йемендин түштүгүндөгү Абьян провинциясында ок атышууда өкмөттүк аскер кызматкерлеринен 30у набыт болду, ал эми "ал-Кайиданын" жоочуларынан өлгөндөрдүн саны 14 экени айтылууда. Май айынан бери Абьяндын борбору Зинджибар шаары "ал-Кайиданын” көзөмөлүнө өткөн. Серепчилердин айтымында, көп жылдан бери өлкөнү башкарып келген президент Али Абдалла Салехке каршы оппозициянын соңку аракеттеринен пайдаланган "ал-Кайида” күчтөрү өлкөнүн түштүк тарабында өз позициясын бекемдеп алды.