Европадагы коопсуздук жана кызматташуу уюму - ЕККУ Тажик өкмөтүн “Фэйсбукту”(Facebook) жана төрт көзкарандысыз Интернет сайтты ачканга чакырды. Тажикстанда “Фэйсбук” жана орус тилдүү Centrasia.ru, tjk.news.com, zvezda.ru жана maxala.org сайттары Мамлекеттик байланыш агенттигинин буйругу менен 3-марттан тарта жабылган. Сайттардын жабылышын ЕККУ “тынчсызданчу көрүнүш” деп сыпаттады. Тажик бийликтери береги сайттарга техникалык себептерден улам кирүү мүмкүн болбой калганын, маселе тез арада жөндөлөрүн билдирди.
