Президент Атамбаев 19-мартта Москвага барат

Бул тууралуу президент аппаратынын тышкы саясат боюнча бөлүмүнүн башчысы Сапар Исаков “Азаттыкка” билдирди. Маалыматка ылайык, Москвада кыргыз президенти ЕврАзЭШтин саммитине катышат жана эки тараптуу жолугушууларды өткөрөт. Ошондой эле жаңы шайланган президент Владимир Путин менен кездешет.

Буга чейин Кремлдин маалыматы кызматы бул саммитте Евразия мейкиндигиндеги интеграциялык жараяндарга көбүрөөк көңүл буруларын кабарлаган. (KKs)