Ош облусунун Алай районунда бороондун айынан Ош – Сарыташ – Эркештам унаа жолунун 218-238-чакырымдары 11-мартта саат 01:00дө убактылуу жабылды. Өзгөчө кырдаалдар министрлигинин маалымат катчысы Абдишарип Бекиловдун билдиргенине караганда, жолдо көрүү мүмкүнчүлүгү жоктугуна байланыштуу тазалоо иштери убактылуу токтоп турат. Мындан сырткары Сары-Таш – Комсомолабад унаа жолунун 4-чакырымында бороон күчөп, күрткү жүрүп, 12-мартка караган түнү жол жабылган. Азыркы учурда тазалоо иштери жүрүп жатат. (RK)