"Чек арасыз кабарчылар уюму" (Reporters Without Borders) Беларусту “Интернеттин душмандарынын” тизмесине кошту. Аталган уюм 12-мартта “Кибермейкиндиктеги цензурага каршы" дүйнөлүк күнгө байланыштуу жарыялаган докладында Беларус бийликтери “социлдык медиадагы революцияга” жооп катары интернетти кысмакка алууну күчөткөнү белгиленет. Ошондой эле интернет колдонуучулар, блоггерлер камакка алынып, кээ бир сайттар жабылган. “Интернеттин душмандарынын" тизмесинде 12 өлкө, анын ичинде Иран, Өзбекстан, Түркмөнстан жана Сирия бар.
