“Ажырашуу” деп аталган тасмасы үчүн “Оскар” сыйлыгын алган режиссер Асгар Фархадиге Иран бийликтери Тегеранда сыйлыгын салтанаттуу майрамдоого уруксат берген жок. 2011-жылдын “Оскар” сыйлыгына татыган бул фильм Иран коомунун көйгөйүн көргөзүп, аялдардын тең укуксуздугун ашкере кылып жана көптөгөн жарандардын өлкөдөн чыгып кетип атканын чагылдырганы үчүн иран консерваторлорунун нааразычылыгын жараткан болчу. Бул тасма үчүн “Оскар” ыйгарылганда эле расмий Тегеран нааразычылыгын билдирген болчу.
