Бишкекте аялдарга карата зомбулукка каршы күрөш маселесине арналган талкуу өтөт. Бул тууралуу бүгүн акыйкатчынын маалымат кызматынан кабарлашты. Тегерек үстөл жыйыны 16-мартта өтөт. Ага президенттин, парламенттин, прокуратура органдарынын өкүлдөрү катышат. Адам укугун коргоо багытында иштеген бейөкмөт уюмдар жана эл аралык эксперттер да чакырылган. Быйылкы жылды кыргыз акыйкатчысы Турсунбек Акун Кыздарды ала качууга жана аялдарга карата зомбулукка каршы күрөш жылы деп жарыялаган. (RK)
