Бүгүн Бишкекте кыргыздын атактуу артисти жана сүрөтчүсү, улуу талант Сүймөнкул Чокморовдун жаркын элесине арналып жазылган китептин бет ачары болду. Орус тилинде жазылган китеп "Прикосновение" деп аталат. Ал 500 нускада "Турар" басмаканасынан чыкты. Автору - Жазуучулар союзунун мүчөсү Жолдошбек Сулайманов. Китепте Чокморовдун өмүр баяны, чыгармачылыгы тууралуу баяндамалар жана сүрөттөр бар. Бет ачар салтанаты "Манас" кинотеатрында өтүп, документалдуу тасмаларды көрсөтүү менен коштолду. (MiT/RK)
