Россиянын ички иштер министри Рашид Нургалиев Казан шаарынын полиция бөлүмүнүн башчысы Сергей Ефремовду иштен алды. Бир нече күн мурун ал башкарган бөлүмдө кармалган адамды полициячылар шампан бөтөлкөсү менен зордуктап, ал кийин көз жумганы кабарланган. 52 жаштагы Сергей Назаровдун өлүмү коомчулукта нааразылыктын толкунун жаратып, укук коргоочу активисттер Татарстандын ички иштер министрин кызматтан алууга үндөшүүдө. Нургалиев министр Асгат Сафаровго сөгүш жарыялап чектелди. Азырынча окуяга байланыштуу 5 кишиге каршы кылмыш иши козголду.
