Талас шаарында “Таластын жазы керемет” деп аталган поэзия кечеси өттү. Иш-чара Аман Токтогулов атындагы облустук китепканада болду. Отуздан ашуун акын жана студент жаштар махабат, мекенге арналган ырларын окуп беришти. Облус губернаторунун басма сөз катчысы Мухамеджан Суранчиевдин айтымында, белгилүү акындар Кенжетай Атагулов “Торгойдун сахнасы”, Кубанычбек Наскеев “Тузун таткан жерге таазим” аттуу жаңы ыр жыйнактарын облустук китепкананын алтын фондуна тапшырышты. (MbA/RK)
