Бишкектин четиндеги Беловодское айылында жайгашкан №16 абактын ичине согуштук ок алып өтүү аракетине бөгөт коюлду. Жаза аткаруу кызматынан "Азаттыкка" кабарлашкандай, окуя кечээ, 15-мартта болгон. Жети жылга эркинен ажырап абакта жаткан М.К. аттуу жаранга Беловодское айылынын тургуну Ж.А. аттуу айым алып келген тамак-ашы менен чогуу сакал алгыч берген. Ошонун ичине чакан калибрдеги мылтыктын үч огу катылганы аныкталган. Тергөө иштери башталды. (RK)
