Кыргыз президенти Алмазбек Атамбаев ЕврАзЭШтин саммитине катышуу үчүн бүгүн Москвага сапар алат. Президент аппаратынын жетекчи орун басары, аппараттын тышкы саясат бөлүмүнүн жетекчиси Сапар Исаковдун “Азаттыкка” билдиргенине караганда, бул жолку саммитте ЕврАзЭШтин ишин кайрадан уюштуруу боюнча сунуштарга көңүл бурулат. Атамбаев казак мамлекет башчысы Нурсултан Назарбаев жана Орусиянын жаңы шайланган президенти Владимир Путин менен да сүйлөшүүлөрдү өткөрөт. (KKs)
