Бишкекте унаа жол кыймылы эртең мененки саат сегизден онго чейинки мезгил аралыгында бир кыйла оор болуп, айрым жерлерде тыгындар пайда болду. Бирок азыр кыймыл турукташып калганын "Азаттыкка" шаар милициясынын жол коопсуздук башкармалыгынан билдиришти. Тайгак жолдо туруштук бере албай, сыйгаланып кагылышкан унаалар да болду. Бирок мындай окуялар кайсы жерлерде канча катталганын азарынча тактоо мүмкүн эместиги айтылууда. Расмий катталган жол кырсыктарынын саны соңку бир суткада бешөө болду. Бир адамдын өмүрү кыйылды. (RK)
