Алай районунун Нура айылындагы кар көчкү 9 жаштагы кыздын өмүрүн алды. Өзгөчө кырдаалдар министрлигинин басма сөз катчысы Абдишарип Бекиловдун “Азаттыкка” билдиришинче, бүгүн саат төрттөр чамасында Нура айылына түшкөн кар көчкү бир турак үйдү басып калган. Натыйжада 2003-жылы туулган Бүзейнеп Эмилбек кызы каза болуп, үйдөгү дагы беш адам жаракат алды. 17-мартта Токтогулдагы кар көчкүдөн үч адам каза болгон эле. (KKs)