КМШ мамлекеттеринин жаштары арасында фотосынак жарыяланды. Бул тууралуу Кыргызстандын Жаштар, туризм жана жумуш министрлиги кабарлайт. 14-31 жаштагы кыргызстандыктар мекен, замандаштар, үй-бүлө темасына арнап тарткан фотосүрөттөрү менен бул сынакка катыша алышат. Жеңүүчүлөр күзүндө аныкталат. Сынак Беларус мамлекетинин Билим берүү министрлигинин демилгеси менен уюштурулуп жатат. Көз каранды эмес мамлекеттер шериктештигине (КМШ) Азербайжан, Армения, Беларус, Казакстан, Кыргызстан, Молдова, Орусия, Тажикстан, Түркмөнстан, Өзбекстан жана Украина кирет. (RK)
