Ички иштер министрлигине өткөн жылы үй-бүлө чыр-чатагы боюнча 8,5 миңге жакын кайрылуу түшсө, 2 миң 272 фактысы үй-бүлөдөгү зомбулук катары катталган. Бул тууралуу ички иштер министринин орун басары Курсан Асанов кечээ, 27-мартта Жогорку Кеңештин Социалдык саясат боюнча комитетинин жыйынында билдирди. Анын айтымында, үй-бүлөдөгү зордук-зомбулук көбүнесе ичкич жана баңгилер арасында болот. Ушунун айынан өткөн жылы 22 киши каза тапкан. Үй-бүлө зомбулугуна эркектер күнөөкөр делген 1721 учур катталса, кыз-келиндер арасындагы фактылар 77ни түзгөн.
Эми бул маселе атайын мыйзам аркылуу көзөмөлдөнөт. Зомбулук көрсөткөн адамга айып пул салбай, беш суткага чейин камакка алуу сунушталууда. (КЕ)
Эми бул маселе атайын мыйзам аркылуу көзөмөлдөнөт. Зомбулук көрсөткөн адамга айып пул салбай, беш суткага чейин камакка алуу сунушталууда. (КЕ)
