Кыргызстанда сотторду тандоо системасын мындан ары да реформалоо алардын көз каранды эместигин камсыз кылуу үчүн зарыл. Бул тууралуу бүгүн Бишкекте Европадагы коопсуздук жана кызматташтык уюму (ЕККУ) сунуштаган отчетто айтылат. Отчет кыргыз бийлигинин өтүнүчү боюнча жазылган. Анда Кыргызстандагы Сотторду тандоо кеңешин түзүү жана каржылоого байланыштуу көйгөйлөр тууралуу жазылган. Кеңештин төрагасы Шамарал Майчиев ЕККУнун сунуштары "баа жеткис" экенин айтты. Бул сунуштар негизинен Сотторду тандоо кеңешинин ишиндеги "саясый күчтү" алып салууга багытталган. (RK)
