Кабарларга караганда, өлкөнүн түштүгүндө куралчан жикчилер менен армиянын атышууларында 17 аскер, козголоңчу болсо керек деп шектелген 12 адам набыт болгону айтылды. Аскерий жетекчиликтин расмий өкүлү билдиргенине караганда, Лахиж провинциясындагы Малла постуна куралчан козголоңчулар чабуул коюшканда атышуу башталган. Расмий бийлик бул үчүн жумурияттын түштүгүн көзөмөлгө алууга аракет кылган “Ал-Каида” террор уюму менен байланыштагы топту айыпташууда.
