Facebook корпорациясынын негиздөөчүсү жана жетекчиси Марк Цукерберг уюлдук телефон аркылуу сүрөттөрдү алмашып туруучу Instagram тиркеме программасын бир миллиард АКШ долларына сатып алаарын ачыктады. Цукерберг өзү сатып алып жаткан Instagram кызматынын артыкчылыктарына жогору баа берип, Facebook биринчи ирет башка компаниянын кызматын сатып алып жатканын айтты. Facebook ири социалдык тармагынын 845 миллион колдонуучусу бар, бул сайтты 100 миллиард долларга баалап жүрүшөт.
