Улуттук статистикалык комитеттин ыкчам маалыматы боюнча, жыл башынан берки үч ай ичинде Кыргызстандын ички дүң продукциясы 6,8 пайызга кыскарды. Маалыматка ылайык, январ-март айларында Кыргызстанда өндүрүлгөн товар жана көрсөтүлгөн кызматтардын жалпы суммасы 50,7 миллиард сомду түздү. 2011-жылдын жалпы жыйынтыгы боюнча өлкөнүн дүң өнүмү 8 пайыз тегерегинде өскөн. Адистер бул өсүштү 2010-жылдагы кыйроолордон кийин калыбына келүү катары баалашкан. (KKs)
