Президент Алмазбек Атамбаев кечээ билим берүү боюнча Бишкекте өткөн кеңешмеде Кыргызстандын билим берүү системасын түп тамырынан бери өзгөртүү зарыл экенин айтты. Мамлекет башчы республикадагы билим берүү заманбап талаптарга жооп бере албай жатканын белгилеп, жогорку окуу жайлардын санын кыскартып, мыкты талаптарга жооп берген университет гана көп баскычтуу даярдыкты ишке ашырышы керектигин белгиледи. Кеңешмеде билим берүү жана илим министри Канат Садыков 2012-2020-жылдар ичинде билим берүүнүн сапатын жакшыртууга багытталган стратегия менен тааныштырды. Бул тууралуу президенттин басма сөз кызматынан кабарлашты. (KKs)
