Бишкек-Ош жолундагы жол кырсыгында 7 адам каза болду

Өзгөчө кырдаалдар министрлигинен маалымдагандай, 13-апрел күнү кечинде катталган кырсыкта 7 адам каза болуп, 4 адам жабыркады.

Кырсык Бишкек-Ош жолунун 290-чакырымында Токтогул районунун аймагында катталып, анда “Хонда” үлгүсүндөгү жеңил унаа менен ДАФ үлгүсүндөгү жүк ташуучу унаа кагышкан. Каза болгондордун бирөө жана жабыркагандардын ичинде 2 бала бар.

Жабыркагандар Токтогул райондук ооруканасына жаткырылды. Учурда кырсыктын себеби териштирилип жатат. (BkA)